28 વર્ષ પછી કોઈ વડાપ્રધાન બનાસકાંઠામાં પહોંચ્યા

201610Dec
28 વર્ષ પછી કોઈ વડાપ્રધાન બનાસકાંઠામાં પહોંચ્યા

આજે વડાપ્રધાન નરેન્દ્ર મોદી ઉત્તર ગુજરાતના બનાસકાંઠાના પ્રવાસે આવ્યા છે. જોગાનુજોગ ભારતના કોઈ વડા પ્રધાન 28 વર્ષ પછી પહોંચ્યાં છે અને તેમાં પણ વડાપ્રધાન મોદી પોતે ઉત્તર ગુજરાતના જ છે.

તેમનો જન્મ ઉત્તર ગુજરાતના વડનગરમાં થયો હતો જ્યાં તેઓ શાળામાં ભણ્યા હતા. વડાપ્રધાન આવી રહ્યા હોઈ કાયદો- વ્યવસ્થાની સ્થિતિની સમીક્ષા માટે ગૃહમંત્રી પ્રદીપસિંહ જાડેજાએ બે દિવસથી ડીસામાં ધામા નાખ્યા છે.

તેઓએ વડાપ્રધાનના કાર્યક્રમ અંગે જણાવ્યું કે સવારે 10-55 મિનિટે વડાપ્રધાન ડીસા પહોંચી જશે જ્યાં બનાસ ડેરીના વિવિધ પ્રોજેક્ટનું ઉદ્ધાટન કર્યા બાદ જાહેર સભાને સંબોધીને સીધા જ ગાંધીનગર જવા રવાના થસે. આ કાર્યક્રમમાં દોઢેક લાખ લોકો આવવાની ગણતરી છે.

ગૃહમંત્રીએ વધુમાં જણાવ્યું હતું કે, ઉચ્ચ પોલીસ અધિકારીઓ સાથે કાયદો-વ્યવસ્થાની સ્થિતિ અંગે તેમજ વડાપ્રધાનની સુરક્ષાને લઈને સતત ચર્ચા-સમીક્ષા કરી છે.

આવી સ્થિતિમાં કોંગ્રેસના પ્રદેશ પ્રમુખ ભરતસિંહ સોલંકી પણ પાલનપુર આવી ગયા છે અહીંથી ડીસાનું અતર 20 કિલોમીટર જેટલું છે. એક બાજુ લોકોમાં પ્રચંડ ઉત્સાહ છે અને સ્વયંભૂ આવી રહ્યા છે.

આવી સ્થિતિમાં કોંગ્રેસ કે અન્ય કોઈ વ્યક્તિ દ્વારા જો કાર્યક્રમને અવરોધવાનો કે કાયદો હાથમાં લેવાનો પ્રયાસ કારશે તો તેને લોખંડી હાથે કચડી દેવાશે આવું કૃત્ય કરનાર ગમે તેટલો મોટો માણસ હશે તો પણ તેની સામે કડક પગલા લેવાશે.

 

source: gujaratsamachar

બનાસકાંઠા/Banaskantha,View : 746

    Comments

    • Visitor's Name
    • Email ID
    • Mobile No
    • Comment

    Though of the day

    • Life is what we make it, always has been, always will be.Grandma Moses