સ્કૂલ રિક્ષા જે રીતે બેફામ બાળકો ભરતા હોય છે તે વિરુદ્ધ કેમ ટ્રાફિક પોલીસ કરે છે આંખ આડા કાન?

201409Jan
સ્કૂલ રિક્ષા જે રીતે બેફામ બાળકો ભરતા હોય છે તે વિરુદ્ધ કેમ ટ્રાફિક પોલીસ કરે છે આંખ આડા કાન?
રાજકોટ, 9 જાન્યુઆરી

સ્કુલમાં ઓવરલોડ બાળકોને ભરીને જતા રિક્ષા ચાલકો બાળકોના જીવને જોખમમાં મુકી રિક્ષા ચલાવે છે ત્યારે ટ્રાફિક પોલીસ આખે પાટા બાંધી બેઠી હોય તેવું લાગે છે શહેરમાં વહેલી સવારે વાન અને રિક્ષામાં બાળકોને ઘેટા બકરાની માફક ભરી રોડ પર ફુલ સ્પીડે વાહન ચલાવી બાળકોને સ્કૂલે પહોંચાડે છે ત્યારે એક રિક્ષામાં ૧૦ થી વધુ બાળકો અને બાળાઓને બેસાડવામાં આવે છે જયારે વાનની વાત કરીએતો વેનમાં ૧૫ થી ૧૮ બાળકોને બેસાડવામાં આવે છે.

આ સમગ્ર બાબતે ટ્રાફિક પોલીસ પણ જાણતી હોય છે પરંતુ ટ્રાફિક પોલીસને આ વેન અને રિક્ષાચાલકો દ્વારા રીતસરનો હપ્તો આપી દેવામાં આવે છે જેથી આ ચાલકો ઘેટાંબકરાંની જેમ બાળકોને ભરી સ્કૂલ પર લેવા અને મુકવા જાય છે.

એક તરફ રિક્ષાવાળા અને વાનવાળા ચાલકો હપ્તો આપી પોતાની કમાણી કરી લે છે ત્યારે જો કોઈ અકસ્માત થયા ત્યારે કોણ જવાબદાર ગણાય આવા અનેક સવાલો ઉભા થાય છે. બીજી બાજુ ટ્રાફિક પોલીસ ટ્રાફિક સપ્તાહ ઉજવી લોકોને સમજાવતી જોવા મળે છે જ્યારે ખુદ ટ્રાફિક પોલીસ નિયમને નેવે મુકવાનું શીખવાડી બેફામ
રીતે રિક્ષા અને વાનચાલકનો બાળકો ભરવાની છૂટ આપતા હોય છે.


Source : Sandesh

સામાજિક/Social,View : 706

    Comments

    • Visitor's Name
    • Email ID
    • Mobile No
    • Comment

    Though of the day

    • બીજાનીઓની આપણે જે સેવા કરીએ છીએ તે ખરેખર તો આ પૃથ્વી ઉપરનાં આપણા રહેઠાણનું ભાડું છે.