અક્કલ…..

  • બબિતાનો ભાયડો !

    બબિતાને લઇને જેઠાલાલના દિમાગમાં એક જ કાંટો હતો- ઐયર. જ્યારે પણ જેઠાલાલ બબિતા સાથે વાત કરવાનો મેડ પાડવાની કોશિષ કરે, ઐયર ગમે ત્યાંથી ટપકી પડતો, અને જેઠાલાલના પ્લાન પર પાણી ફરી જતુ. તેથી ઐયરનો બદલો લેવાનું જેઠાલાલે નક્કી કર્યુ. મગજમાં, ''ક્યા કરું....ક્યા કરુ...'' વિચારતા વિચારતા, જેઠાલાલના દિમાગમાં એક આઇડિયા આવ્યો.

    એક દિવસ બબિતા અને ઐયર સોસાયટી કમ્પાઉન્ડમાં જેઠાલાલને મળી જાય છે, તો જેઠાલાલ બબિતાને કહે છે,

    ''બબિતાજી, મારે ઐયર ભાઇને 1000 રૂપિયા આપવા છે, પણ એક નાની શરત છે. હું 1000 રૂપિયા નીચે પાડીશ, અને ઐયરભાઇ તે ઉપાડે ત્યાં સુધી હું માત્ર પાછળ ટાપલી મારીશ..ઐયરભાઇને કહો, 'ભાયડા' હોય તો આવે મેદાનમાં..''

    ઐયરને લાગ્યુ આમાં જરુર જેઠાલાલની કોઇ ચાલ છે. પણ છતાય મર્દાનગીનો સવાલ હતો તેથી ઐયર વિચારમાં પડી ગયો. બબિતાએ ઐયરને કાનમાં કહ્યુ,

    ''અરે નીચેથી 1000 રૂપિયાની નોટ ઉપાડતા કેટલી વાર લાગે! હજુ જેઠાલાલ ટાપલી મારે તે પહેલાજ તમે ઉપાડી લેશો. પછી તો રૂપિયા તમારાજ છે ને. એ પણ મફતમાં. આવી નાની બાબતમાં જો તમારી મર્દાનગી લાજે તો હું કેમ જીવી શકુ. તમે હા પાડી દો. કંઇ નહી થાય.એ ટાપલી મારે તે પહેલા તો રૂપિયા તમારા હાથમાં હશે!''

    બબિતાની ઇમોશનલ અને પ્રેરણાદાયક વાણી સાંભળીને ઐયરે પણ ચેલેન્જ સ્વીકારી લીધી. જેઠાલાલ ઐયરને ઉપર ઘરે લઇ ગયો અને તેના રૂમમાં ચાલ્યા ગયા..

    અડધો કલાક રહીને ઐયર ઘરે પાછળ હાથ ઘસતો ઘસતો દુ:ખી ચહેરા સાથે આવ્યો. તે પરસેવે રેબઝેબ અને દર્દથી કણસતો હતો, અને જેઠાલાલને ગાળો ભાંડતો હતો. ''મૈ જેટાલાલકો ચોળુંગા નહી..'' કરતો બબડતો હતો..

    આશ્વર્યચકિત થઇને બબિતાએ પૂછ્યુ

    ''ઐયર આ શું થયુ ??''

    ઐયરે કહ્યુ,

    ''અરે બબિતા, જેઠાલાલે ચીટીંગ કરી છે. તે સાલાએ તો 1000ના છુટ્ટા નીચે ફેંક્યા. હું વીણતો રહ્યો, અને તે મને પાછળ તડાકા મારતો જ રહ્યો..હાય રે..બહુ દુખે છે.. ''

વલસાડમાં દારૂ ભરેલી કાર સાથે અકસ્માત, લોકો દારૂની ચલાવી લૂંટ

201606Nov
વલસાડમાં દારૂ ભરેલી કાર સાથે અકસ્માત, લોકો દારૂની ચલાવી લૂંટ

વલસાડ-ધરમપુર રોડના આર.ટી.ઓ. કચેરી સામેથી દારૃનો જથ્થો ભરી પૂરપાટ જઈ રહેલી ઇકો કારના ચાલકે માર્ગ પરથી પસાર થઈ રહેલા અબ્રામાના તડકેશ્વર સોસાયટીના રહીશની બાઇકને અડફેટે લેતા અકસ્માત થયો હતો.

જેમાં બાઇકસવાર દંપતી તથા તેમની ૬ વર્ષીય પુત્રને ઓછી-વત્તી ઇજા થઈ હતી. અકસ્માત સર્જનાર કારચાલક તથા અન્ય એક ઇસમ કાર પાર્ક કરી ફરાર થઈ ગયા હતા.

તે તકનો લાભ લઇ સ્થાનિક રહીશોએ દારૃના જથ્થાની લૂંટ ચલાવી હતી. અને સિટી પોલીસના હાથે માત્ર ૧૩૩ દારૃની બોટલ હાથ લાગી હતી. અબ્રામા સ્થિત તડકેશ્વર સોસાયટીના પ્લોટ નંબર ૧૨-એ ત્રિમૂર્તિ ડુપ્લેક્સમાં રહેતા મિલિંદભાઈ સુખાભાઈ સાવંત (ઉં.વ. ૨૯) વલસાડ આર.ટી.ઓ. ઓફિસના એચ.એસ.આર.પી. વિભાગમાં કમ્પ્યુટર ઓપરેટર તરીકે નોકરી કરી ગુજરાન ચલાવે છે.

 રવિવારે તેઓ પત્ની સોનાલીબેન (ઉં.વ. ૨૨) તથા મિહિર (ઉં.વ. ૬) સાથે ર્ધાિમક પ્રસંગમાં હાજરી આપવા સ્પ્લેન્ડર બાઇક (નંબર જી.જે. ૧૫ બી.એન. ૧૧૧૬) લઇ રોણિવેલ ગામે જવા નીકળ્યા હતા. વલસાડ ધરમપુર રોડ સ્થિત આર.ટી.ઓ. કચેરી સામેથી પસાર થઈ રહ્યા હતા.

આ દરમિયાન દારૃનો જથ્થો ભરી ધરમપુર તરફ પૂરપાટ જઈ રહેલી ઇકો કાર (નંબર ડી.ડી. ૦૩ એચ. ૨૫૫૬)ના ચાલકે બાઇકને અડફેટે લેતા અકસ્માત થયો હતો. જેમાં સાવંત દંપતી તથા તેમનો પુત્ર રોડ પર પટકાતા ત્રણેયને ઓછી વત્તી ઇજા થઈ હતી. અકસ્માત સર્જનાર કારચાલક તથા અન્ય એક ઇસમ કાર પાર્ક કરી ભાગી છૂટયા હતા.

દરમિયાન સ્થળ પર એકત્ર થયેલા લોકોને ઇકો કારમાં દારૃનો જથ્થો હોવાની જાણ થતા લોકોએ કારમાંથી દારૃનો જથ્થાની બિન્ધાસ્ત લૂંટ ચલાવી હતી. વલસાડ સિટી પોલીસનો સ્ટાફ ઘટનાસ્થળે પહોંચ્યો હતો પરંતુ પોલીસને માત્ર ૧૩૩ બોટલો મળી આવી હતી. ઘટના અંગે મિલિંદ સાવંતએ ઇકો કારના ચાલક સામે વલસાડ સિટી પોલીસ મથકે ફરિયાદ નોંધાવતા પોલીસે ગુનો નોંધ્યો હતો. પોલીસે દારૃનો જથ્થો તથા કાર મળી કુલ રૃ. ૨,૦૬,૬૫૦નો મુદ્દામાલ કબજે કર્યો છે.

source: sandesh

વલસાડ/Valsad,View : 607

    Comments

    • Visitor's Name
    • Email ID
    • Mobile No
    • Comment

    Though of the day

    • સ્વાર્થ ભરેલા માનસ નો કદી ભરોસો ના કરવો …….