વડોદરામાં કોમી તોફાનો: 50 વાહનોની તોડફોડ, 30 ટીયરગેસ છોડાયા

201711Aug
વડોદરામાં કોમી તોફાનો: 50 વાહનોની તોડફોડ, 30 ટીયરગેસ છોડાયા

વડોદરામાં ગુરૂવારે મોડી રાત્રે પ્રતાપ મડઘાની પોળના ગણપતિની સવારી પર પથ્થરમારો થતાં અને સોડા બોટલો ફેંકાતા કોમી રમખાણ ફાટી નીકળ્યા હતા.

જેમા તોફાની તત્વોએ 50 વાહનોની તોડફોડ કરી 12થી વધુ વાહનો સળગાવ્યા હતા. તોફાનોમાં બે SRP જવાન સહિત 10 લોકોને ઇજા થઇ હતી. અને 12 દુકાનોમાં તોડફોડ કરી એક દુકાનમાં આગ ચાંપી દેવાઇ હતી.

સ્થિતીને કાબૂમાં લેવા માટે પોલીસે ટીયરગેસના 30થી વધુ સેલ છોડ્યા હતા. વડોદરામાં મોડી રાત્રે કોમી રમખાણ શુક્રવારે ગણપતિ સ્થાપના હોવાથી પ્રતાપ મડઘાની પોળના ગણપતિની આજે સવારી નીકળી હતી.

સવારીમાં હજારો લોકો જોડાયા હતા. દરમિયાન સવારી પાણીગેટ પાસેથી પસાર થઇ રહી હતી ત્યારે એકાએક લાઇટ ગુલ થઇ ગઇ હતી અને પથ્થરમારો શરૂ થયો હતો.

જેના કારણે બંને કોમના ટોળેટોળા સામસામે આવી ગયા હતા. ઉશ્કેરાયેલા ટોળાંએ આસપાસ પાર્ક કરેલા વાહનોને નિશાન બનાવવાનું ચાલુ કર્યું હતું.

50થી વધુ વાહનોમાં તોડફોડ કરી 50થી વધુ વાહનોમાં તોડફોડ કરીને 12થી વધુ વાહનોને આગ ચાંપી દેવાઇ હતી. જોતજોતામાં સ્થિતિ વણસી હતી અને મંગળબજારમાં પણ કોમી રમખાણના પડઘા પડતાં 10થી 12 દુકાનોમાં તોડફોડ કરી એક દુકાનમાં આગ ચાંપી દેવાઇ હતી.

રમખાણોની વાત પ્રસરતા શહેરભરમાં વાતાવરણ તંગ બની ગયું હતું અને લોકોએ નાસભાગ કરતાં રસ્તાઓ સુમસામ બની ગયા હતા.

 

source: divyabhaskar

વડોદરા/Vadodara,ગુનો/Crime,View : 137

    Comments

    • Visitor's Name
    • Email ID
    • Mobile No
    • Comment

    Though of the day

    • મને તો ચાહનારી આખી દુનિયા નજર સામે પડી છે મારે તને ચાહવી હતી, ઍટલે ભગવાને તને ઘડી છે