અક્કલ…..

  • બબિતાનો ભાયડો !

    બબિતાને લઇને જેઠાલાલના દિમાગમાં એક જ કાંટો હતો- ઐયર. જ્યારે પણ જેઠાલાલ બબિતા સાથે વાત કરવાનો મેડ પાડવાની કોશિષ કરે, ઐયર ગમે ત્યાંથી ટપકી પડતો, અને જેઠાલાલના પ્લાન પર પાણી ફરી જતુ. તેથી ઐયરનો બદલો લેવાનું જેઠાલાલે નક્કી કર્યુ. મગજમાં, ''ક્યા કરું....ક્યા કરુ...'' વિચારતા વિચારતા, જેઠાલાલના દિમાગમાં એક આઇડિયા આવ્યો.

    એક દિવસ બબિતા અને ઐયર સોસાયટી કમ્પાઉન્ડમાં જેઠાલાલને મળી જાય છે, તો જેઠાલાલ બબિતાને કહે છે,

    ''બબિતાજી, મારે ઐયર ભાઇને 1000 રૂપિયા આપવા છે, પણ એક નાની શરત છે. હું 1000 રૂપિયા નીચે પાડીશ, અને ઐયરભાઇ તે ઉપાડે ત્યાં સુધી હું માત્ર પાછળ ટાપલી મારીશ..ઐયરભાઇને કહો, 'ભાયડા' હોય તો આવે મેદાનમાં..''

    ઐયરને લાગ્યુ આમાં જરુર જેઠાલાલની કોઇ ચાલ છે. પણ છતાય મર્દાનગીનો સવાલ હતો તેથી ઐયર વિચારમાં પડી ગયો. બબિતાએ ઐયરને કાનમાં કહ્યુ,

    ''અરે નીચેથી 1000 રૂપિયાની નોટ ઉપાડતા કેટલી વાર લાગે! હજુ જેઠાલાલ ટાપલી મારે તે પહેલાજ તમે ઉપાડી લેશો. પછી તો રૂપિયા તમારાજ છે ને. એ પણ મફતમાં. આવી નાની બાબતમાં જો તમારી મર્દાનગી લાજે તો હું કેમ જીવી શકુ. તમે હા પાડી દો. કંઇ નહી થાય.એ ટાપલી મારે તે પહેલા તો રૂપિયા તમારા હાથમાં હશે!''

    બબિતાની ઇમોશનલ અને પ્રેરણાદાયક વાણી સાંભળીને ઐયરે પણ ચેલેન્જ સ્વીકારી લીધી. જેઠાલાલ ઐયરને ઉપર ઘરે લઇ ગયો અને તેના રૂમમાં ચાલ્યા ગયા..

    અડધો કલાક રહીને ઐયર ઘરે પાછળ હાથ ઘસતો ઘસતો દુ:ખી ચહેરા સાથે આવ્યો. તે પરસેવે રેબઝેબ અને દર્દથી કણસતો હતો, અને જેઠાલાલને ગાળો ભાંડતો હતો. ''મૈ જેટાલાલકો ચોળુંગા નહી..'' કરતો બબડતો હતો..

    આશ્વર્યચકિત થઇને બબિતાએ પૂછ્યુ

    ''ઐયર આ શું થયુ ??''

    ઐયરે કહ્યુ,

    ''અરે બબિતા, જેઠાલાલે ચીટીંગ કરી છે. તે સાલાએ તો 1000ના છુટ્ટા નીચે ફેંક્યા. હું વીણતો રહ્યો, અને તે મને પાછળ તડાકા મારતો જ રહ્યો..હાય રે..બહુ દુખે છે.. ''

માંડવીમાં નશામાં ધૂત બસચાલક પકડાયો, બસ ચલાવે તે પહેલા પોલીસ હવાલે કરાયો

201725Jan
માંડવીમાં નશામાં ધૂત બસચાલક પકડાયો, બસ ચલાવે તે પહેલા પોલીસ હવાલે કરાયો

કચ્છના એસટી ડિવિઝનમાં વધુ એક બસનો ડ્રાઈવર મંગળવારે બપોરે દારૃ પીધેલી હાલતમાં ઝડપાઈ ગયો હતો. જોકે, લથડિયા ખાતી હાલતમાં બસ ચાલુ કરે તે પહેલાં તેને તેમાંથી ઉતારી દેવાયો હતો.

મંગળવારે બપોરે ૩.૩૦ વાગ્યે માંડવી બસ સ્ટેશનમાં માંડવી-ભુજ રૃટનો ડ્રાઈવર નરેશ વાલુભાઈ પટેલ (રહે. મજાદપુર, તા. વડગામ, જિ.બનાસકાંઠા) નશામાં ધૂત થઈ બસ ચલાવવા જતો હતો, પરંતુ તેને અન્ય કર્મચારીઓએ સમજાવતાં તે બસમાથીં ઉતરી ગયો હતો.

દરમિયાન તે બાબતની ડેપો મેનેજર મયૂર રાઠોડને જાણ કરાતાં તેમણે તુરંત જ પોલીસને બોલાવી તેના હવાલે કરી દીધો હતો. ઉલ્લેખનીય છે કે, છેલ્લા છએક માસમાં જ કચ્છ ડિવિઝનમાં અડધો ડઝન કરતા વધુ બસચાલકો દારૃ પીધેલી હાલતમાં ઝડપાઈ ગયા છે.

આ બાબતે ડેપો મેનેજરને પૂછતા તેમણે જણાવ્યું હતું કે તે ડ્રાઈવર માંડવી ડેપોમાં ૧૦ માસથી ફરજ બજાવે છે અને છેલ્લા ત્રણ માસથી તે ઘેરહાજર હતો.

ગઈકાલે હાજર થયો હતો અને આજે બપોરે દારૃ પીને સ્ટેશનમાં લથડિયા ખાતો હોઈ પોલીસ હવાલે કરાયો હતો. એસટીના વિભાગીય નિયામક ભૂપેન્દ્ર ચારોલાએ આ બાબતે ચાલક સામે સસ્પેન્ડ કરવાની કાર્યવાહીનો નિર્દેશ આપ્યો હતો.

 

source: sandesh

કચ્છ/Kutch,View : 810

    Comments

    • Visitor's Name
    • Email ID
    • Mobile No
    • Comment

    Though of the day

    • મનની શાંતિનું મુલ્ય સમ્પતિ અને સ્વાસ્થ્ય કરતાં ધણું વધારે છે.