અક્કલ…..

  • તને કોઇ ભુલી શકે ?

    એક બુઝુર્ગ પતિ-પત્ની કારમાં પોતાના ઘરે જઇ રહ્યા હતા. પત્ની ગાડી ચલાવી રહી હતી ત્યા સામે એક સિગ્નલ આવ્યુ જે વૃધ્ધ પત્નીને દેખાયુ નહી.

    આગળ પોલીસ કર્મચારીએ ગાડી ઉભી રાખી અને કહ્યુ,

    ''મેડમ, તમને ખયાલ છે તમે ટ્રાફિક નિયમ તોડ્યો છે ?''

    પત્ની થોડુ ઉંચુ સાભળતી હતી તેથી તેણે પતિ સામે ફરીને પૂછ્યુ કે પોલીસ વાળો શું કહે છે..

    પતિએ કહ્યુ, ''એ કહે છે કે તેં ટ્રાફિકનો નિયમ તોડ્યો છે.''

    પોલીસ કર્મચારી, ''મેડમ, શું હું તમારુ લાઇસન્સ જોઇ શકુ ?''

    પત્ની ફરી તેના પતિ સામે ફરીને પૂછ્યુ કે શું કહે છે પોલીસવાળો..

    પતિએ કહ્યુ કે પોલીસ કર્મચારી તેનુ લાઇસન્સ જોવા માગે છે..

    પત્નીએ પોલીસ કર્મચારીને લાઇસન્સ આપ્યુ..પોલીસ કર્મચારીએ લાઇસન્સ જોઇને કહ્યુ,

    ''અચ્છા તો તમે અમદાવાદના છો..હુ પણ ત્યાં ઘણો સમય નોકરી કરતો હતો. અને એક દિવસ અત્યંત બદસુરત મહિલા સાથે ડેટ પર ગયો હતો..આજ સુધી તેના જેવી ભયંકર અને કદરૂપી બાઇ મેં જોઇ નથી..!!!''

    પત્ની તેના પતિ સામે ફરીને પૂછ્યુ કે પોસીલવાળો શું કહેતો હતો..

    પતિએ કહ્યુ, ''કહે છે કે તને ઓળખે છે !!!''

પોરબંદર: આ વાડીમાં વરસાદ પડતાં જ થાય છે 50 ફૂટ ઊંચા ફૂવારા

201701Jul
પોરબંદર: આ વાડીમાં વરસાદ પડતાં જ થાય છે 50 ફૂટ ઊંચા ફૂવારા

પોરબંદર જિલ્લામાં સતત પડી રહેલા વરસાદને કારણે વાડી-ખેતરો છલોછલ બન્યા છે ત્યારે કુતૂહલભરી એક ઘટના સામે આવી છે. અડવાણા ત્રણ પાટીયા નજીક એક ખેડૂતની વાડીમાં જ્યારે પણ મેઘરાજા કૃપા કરે છે ત્યારે જમીનમાંથી એકાએક 50થી 60 ફૂટ ઉંચો ફૂવારો થાય છે. જ્યારે વરસાદ બંધ થાય છે ત્યારે તરત જ આ ફૂવારો બંધ થઈ જતો હોવાનું ખેડૂતે જણાવ્યું હતું.

અડવાણા વિસ્તારમાં આજે સવારે વરસાદ પડવાનું શરૂ થતાં જ રામદે દેવા કારાવદરા નામના ખેડૂતની વાડીમાં 50થી 60 ફૂટ ઉંચો ફૂવારો થતાં ખેડૂત પણ અચંબામાં પડી ગયો હતો.

આ ઘટનાની જાણ થતાં આસપાસની વાડી વિસ્તારના ખેડૂતો તેમજ અડવાણા ગ્રામજનો પણ આ નજારો જોવા માટે ઉમટી પડ્યા હતાં. જમીનના પેટાળના ભાગેથી કોઈ પાઈપલાઈન પણ પસાર થતી નથી તેમ છતાં જમીનમાંથી એકાએક ક્યા કારણોસર પાણીના ફૂવારા છૂટી રહ્યા છે. જેને લઈને લોકોમાં ભારે ચર્ચાઓ જોવા મળી રહી છે.

અત્રે ઉલ્લેખનીય છે કે, ગત વર્ષે ચોમાસાના સમયમાં અડવાણા વિસ્તારમાં ભેદી ધડાકા શરૂ થયા હતાં. પેટાળમાં થતી હલચલને લઈને આ ખેડૂતની વાડીમાં વરસાદ પડતાની સાથે થઈ રહેલા ફૂવારાને લઈને અનેક તર્કવિતર્કો થઈ રહ્યા છે.

અડવાણા ગામે 50 ફૂટ ઉંચા પાણીના ફૂવારા થતા હતા ત્યાં જુનો બોર મળ્યો પોરબંદર તાલુકાના અડવાણા ગામે સીમ વિસ્તારમાં એક ખેડૂતની વાડીમાં વરસાદ થતા જ 50 થી 60 ફૂટ ઉંચા પાણીના ફૂવારા શરૂ થઈ જતા હતા જેને લઈને ભારે કુતૂહલ સર્જાયું હતું, સતત 2 દિવસથી આ ઘટના બની રહી હતી અંતે આ વાડીના માલિક રામદેભાઈ કારાવદરા અને તેમના ભાઈ પ્રશાંતભાઈએ જે સ્થળેથી પાણીના ફૂવારા છૂટી રહ્યા છે ત્યાં 2 ફૂટ ઉંડુ ખોદતા ત્યાંથી વર્ષો જુનો બોર મળી આવ્યો હતો.

પ્રશાંતભાઈના જણાવ્યા અનુસાર જ્યારે ખોદકામ કર્યું ત્યારે બોર મળ્યો અને તેમાંથી સતત હવાનું દબાણ હોય તે પ્રકારે હવા પણ બહાર નીકળતી હોય તેવી અનુભૂતિ થઈ રહી હતી.

 

source: divyabhaskar

પોરબંદર/Porbandar,View : 474

    Comments

    • Visitor's Name
    • Email ID
    • Mobile No
    • Comment

    Though of the day

    • ખીલખીલાટ હસતું બાળક મોટું થતાજ હસવા નું ભૂલી જાય છે, નક્કી આપણી સમાજ વ્યવસ્થા માં કઈક ખામી રહેલ છે.