અક્કલ…..

  • બબિતાનો ભાયડો !

    બબિતાને લઇને જેઠાલાલના દિમાગમાં એક જ કાંટો હતો- ઐયર. જ્યારે પણ જેઠાલાલ બબિતા સાથે વાત કરવાનો મેડ પાડવાની કોશિષ કરે, ઐયર ગમે ત્યાંથી ટપકી પડતો, અને જેઠાલાલના પ્લાન પર પાણી ફરી જતુ. તેથી ઐયરનો બદલો લેવાનું જેઠાલાલે નક્કી કર્યુ. મગજમાં, ''ક્યા કરું....ક્યા કરુ...'' વિચારતા વિચારતા, જેઠાલાલના દિમાગમાં એક આઇડિયા આવ્યો.

    એક દિવસ બબિતા અને ઐયર સોસાયટી કમ્પાઉન્ડમાં જેઠાલાલને મળી જાય છે, તો જેઠાલાલ બબિતાને કહે છે,

    ''બબિતાજી, મારે ઐયર ભાઇને 1000 રૂપિયા આપવા છે, પણ એક નાની શરત છે. હું 1000 રૂપિયા નીચે પાડીશ, અને ઐયરભાઇ તે ઉપાડે ત્યાં સુધી હું માત્ર પાછળ ટાપલી મારીશ..ઐયરભાઇને કહો, 'ભાયડા' હોય તો આવે મેદાનમાં..''

    ઐયરને લાગ્યુ આમાં જરુર જેઠાલાલની કોઇ ચાલ છે. પણ છતાય મર્દાનગીનો સવાલ હતો તેથી ઐયર વિચારમાં પડી ગયો. બબિતાએ ઐયરને કાનમાં કહ્યુ,

    ''અરે નીચેથી 1000 રૂપિયાની નોટ ઉપાડતા કેટલી વાર લાગે! હજુ જેઠાલાલ ટાપલી મારે તે પહેલાજ તમે ઉપાડી લેશો. પછી તો રૂપિયા તમારાજ છે ને. એ પણ મફતમાં. આવી નાની બાબતમાં જો તમારી મર્દાનગી લાજે તો હું કેમ જીવી શકુ. તમે હા પાડી દો. કંઇ નહી થાય.એ ટાપલી મારે તે પહેલા તો રૂપિયા તમારા હાથમાં હશે!''

    બબિતાની ઇમોશનલ અને પ્રેરણાદાયક વાણી સાંભળીને ઐયરે પણ ચેલેન્જ સ્વીકારી લીધી. જેઠાલાલ ઐયરને ઉપર ઘરે લઇ ગયો અને તેના રૂમમાં ચાલ્યા ગયા..

    અડધો કલાક રહીને ઐયર ઘરે પાછળ હાથ ઘસતો ઘસતો દુ:ખી ચહેરા સાથે આવ્યો. તે પરસેવે રેબઝેબ અને દર્દથી કણસતો હતો, અને જેઠાલાલને ગાળો ભાંડતો હતો. ''મૈ જેટાલાલકો ચોળુંગા નહી..'' કરતો બબડતો હતો..

    આશ્વર્યચકિત થઇને બબિતાએ પૂછ્યુ

    ''ઐયર આ શું થયુ ??''

    ઐયરે કહ્યુ,

    ''અરે બબિતા, જેઠાલાલે ચીટીંગ કરી છે. તે સાલાએ તો 1000ના છુટ્ટા નીચે ફેંક્યા. હું વીણતો રહ્યો, અને તે મને પાછળ તડાકા મારતો જ રહ્યો..હાય રે..બહુ દુખે છે.. ''

ડાકોરના ઠાકોરને 3 ભોગ ભેગા ધરાવવા મુદ્દે થયો વિરોધ

201725Jan
ડાકોરના ઠાકોરને 3 ભોગ ભેગા ધરાવવા મુદ્દે થયો વિરોધ

ખેડા જિલ્લાના સુપ્રસિધ્ધ યાત્રાધામ ડાકોરમાં બિરાજમાન ભગવાન રણછોડરાયને એકસાથે ત્રણ ભોગ ધરાવવા મામલે કાયમી દર્શન કરવા આવતાં ભક્તોમાં વિવાદ ઉઠતાં ભારે વિરોધ પ્રગટ કરવામાં આવ્યો છે.

મંદિર દ્વારા વૈષ્ણવોને દર્શનનો લાભ મળી રહે તેવા કારણો આગળ ધરીને ત્રણ ભોગ ભેગા ધરાવવાની વાત કાયમી દર્શને આવતા ભક્તજનો માનવા તૈયાર નથી, અને મંદિર સત્તાવાળાઓ દ્વારા સ્કીમ મુજબ વહીવટ કરવાને બદલે મનમાની કરવામાં આવતી હોવાના આક્ષેપ કરવામાં આવ્યા છે.

ભગવાનને એકસાથે ત્રણ ભોગ ભેગા ધરાવવાના નિર્ણયને પાછો લેવામાં નહિ આવે તો ગાંધી ચીંધ્યા માર્ગે આંદોલનની ચિમકી સાથે ભક્તોએ ટેમ્પલ કમિટિને લેખિત રજુઆત કરી હતી. સુપ્રસિધ્ધ યાત્રાધામ ડાકોરમાં ભગવાન રણછોડરાયના મંદિરમાં ભગવાનને સામાન્ય દિવસોમાં ત્રણ ભોગ ભેગા ધરાવવાનું સેવક આગેવાન ભાઈઓની વધુ મતની સંમતિથી મેનેજર સાથે નક્કી કરવામાં આવ્યું હતું.

જેનો અમલ તા.ર૩-૧-૧૭ના રોજથી અમલ શરૃ કરવામાં આવ્યો હતો, અને મંદિરના દર્શનના સમયમાં ફેરફાર કરાયો હતો. જોકે આ મામલે કાયમી દર્શને આવતા વૈષ્ણવ ભક્તો દ્વારા ભગવાનને ત્રણ ભોગ ભેગા ધરાવવાના નિર્ણયનો વિરોધ કરવામાં આવ્યો હતો, અને લેખિત રજુઆત કરીને જણાવ્યું હતું કે ડાકોર રણછોડરાય મંદિર નોંધાયેલ પબ્લિક ચેરીટેબલ ટ્રસ્ટ છે, જેમાં પ્રિવીકાઉન્સીલ કોર્ટની માન્યતાથી સ્કીમ મુજબ વહીવટ કરવામાં આવે છે.

સ્કીમના નિયમ-૩૪ મુજબ પુનમ, ધનુર્માસ, તહેવાર, સમૈયા મનોરથ અને ઉત્સવના દિવસોએ ચાલુ રિવાજ અને પ્રણાલિકાને અનુસરીને મંદિર ખુલ્લું અને બંધ રાખવામાં આવશે તેની નોંધ કરેલ છે અને આ નિયમમાં કોર્ટ દ્વારા પણ રિવાજ અને પ્રણાલિકાને મહત્વ આપેલ છે.

મંદિરમાં ધરાવવામાં આવતા ભોગ માટે પણ સમય નક્કી કરેલા છે. નિયમ-૪૧ મુજબ ઉત્થાપન દર્શનનો સમય ૪ થી પ વચમાં ખોલવામાં આવશે,તેમ જણાવેલ છે.

બંધ બારણે ભોગ ધરાવવા દેવામાં આવે છે તે કમિટિની મનસુફી ઉપર આધાર રાખશે. જોકે ગઈકાલે તા.ર૩ના રોજ જાણવા મળ્યું હતું કે, મંદિર કમિટિ દ્વારા નક્કી કરવામાં આવેલ કે વૈષ્ણવોના દર્શનની સુવિધા માટે શ્રીજી મહારાજને ત્રણ ભોગ ભેગા ધરાવવામાં આવશે. જો કે આ નિર્ણયનો કાયમી દર્શન કરવા આવતા વૈષ્ણવો દ્વારા વિરોધ કરીને લેખિતમાં જણાવવામાં આવ્યું કે, વૈષ્ણવોના દર્શનની સુવિધા માટે ૧૦.૩૦ થી ૧ર રાજભોગ ધરાવીને બપોરના ૧.૩૦ સુધી દર્શન ખુલ્લા રાખવામાં આવે તો કર્મચારીઓને ઓવરટાઈમ આપવો પડતો નથી.

મંદિર કમિટિ દ્વારા ત્રણ ભોગ ભેગા ધરાવવાનો નિર્ણય સ્કીમ વિરૃધ્ધનો છે અને આ નિર્ણય વૈષ્ણવોની સુવિધાને બહાને સેવકભાઈઓની લાગણીને ધ્યાને લઈને લેવામાં આવ્યો હોવાનું જણાવવામાં આવ્યું છે.

તેઓના તર્ક મુજબ કોઈપણ વ્યક્તિને સવારથી બપોર સુધીના ત્રણ ભોગો ભેગા જમાડવામાં આવે તો તે વ્યક્તિ બિમાર પડી જઈ શકે છે, ત્યારે ભગવાનને એકસાથે ત્રણ ભોગ ધરાવવાનો તેઓએ વિરોધ કર્યો હતો.

ત્રણ ભોગ એકસાથે માત્ર તહેવારના દિવસે ધરાવવામાં આવે છે,તે સિવાય નહિ,તેમ જણાવીને ત્રણ ભોગ ભેગા ધરાવવાનો નિર્ણય તાત્કાલિક પાછો ખેંચવામાં આવે નહિ તો વૈષ્ણવ સંપ્રદાયના આચાર્યોને,ભજનમંડળોને, સંઘોને જાણ કરીને ગાંધી ચિંધ્યા માર્ગે આંદોલન કરવાની ફરજ પડશે,તેવી ચિમકી પટેલ ધનશ્યામભાઈ હરમાનભાઈ સહિત અનેક ભક્તોએ લેખિતમાં ટેમ્પલ કમિટિના મેનેજર તેમજ ચેરીટી કમિશ્નર અને મુખ્યમંત્રીને આપી હતી.

 

source: sandesh

ખેડા/Kheda,View : 875

    Comments

    • Visitor's Name
    • Email ID
    • Mobile No
    • Comment

    Though of the day

    • મનની શાંતિનું મુલ્ય સમ્પતિ અને સ્વાસ્થ્ય કરતાં ધણું વધારે છે.