અક્કલ…..

  • નો મોર ..

    એક બસ માં કોલેજ ની બધી છોકરીઓ ચડી ગઈ અને બસ ફૂલ

    કંડકટર : નો મોર …,

    એક ગુજરાતી બાપા: કા નવરીના …! ઢેલ બધી ચડાવી દીધી અને અમે આવ્યા તો નો મોર ..

જામનગરમાં રૂપાણી હસ્તે બે બ્રિજના લોકાર્પણ, સભામાં CMએ કરી આ જાહેરાતો

201729Apr
જામનગરમાં રૂપાણી હસ્તે બે બ્રિજના લોકાર્પણ, સભામાં CMએ કરી આ જાહેરાતો

જામનગરમાં ઓવરબ્રિજ અંડરબ્રિજનું શુક્રવારે સાંજે મુખ્યમંત્રી રૂપાણીના હસ્તે લોકાર્પણ કરાયું હતું. લોકાર્પણ બાદ કિલુભાઇ વસંતની વાડીમાં યોજાયેલી જાહેરસભામાં મુખ્યમંત્રીના હસ્તે આજી-3 ડેમથી જામનગર સુધી પાઇપલાઇન, પી.જી.હોસ્ટેલ તેમજ નવી આરટીઓ કચેરીનું ખાતમુહૂર્ત કરી તેની તક્તીનું અનાવરણ કરાયું હતું.

આજી-3 ડેમને પાણીથી છલોછલ કરાશે મુખ્યામંત્રી રૂપાણીએ જણાવ્યું હતું કે, શહેરમાં અનેક રેલ્વે ફાટકો આવેલી છે જેને કારણે ટ્રાફીકનો સામનો કરવો પડે છે.

આ સ્થિતીને નિવારવા બે વર્ષમાં તમામ ફાટક નજીક બ્રિજ બનાવી શહેરને ફાટક મૂક્ત કરાશે, તેમજ સૌની યોજના હેઠળ ઉંડ અને આજી-3 ડેમને પાણીથી છલોછલ કરાશે ચોમાસા બાદ દરરોજ પાણી વિતરણ કરાશે.

અત્યાધુનિક હોસ્પિટલ બનાવવામાં આવશે આરોગ્ય મંત્રી ચૌધરીએ જણાવ્યું હતું કે, શહેર અને જિલ્લાઓના દર્દીઓને યોગ્ય સારવાર મળી રહે તે માટે અત્યાધુનિક હોસ્પિટલ બનાવવામાં આવશે તેમજ દર્દીઓ પરેશાન થાય નહી તે માટે જુદા-જુદા રોગોની નાની-નાની હોસ્પિટલો પણ બનાવવામાં આવશે.

મુખ્યંત્રીની સાથે મંત્રી બાબુભાઇ બોખીરીયા, વલ્લભભાઇ કાકડીયા, ચિમનભાઇ શાપરીયા, સંસદ સભ્ય પુનમબેન માડમ, ધારાસભ્ય વસુબેન ત્રિવેદી સહિતના આગેવાનો પણ જોડાયા હતા.

CMએ કરેલી જાહેરાતોની હાઇલાઇટ્સ

- સૌની યોજનાથી પીવાના પાણી, સિંચાઇ માટે પાણી મળશે.

- સૌરાષ્ટ્ર નપાણીયું નહીં પાણીદાર-ખમીરવંતું ઓળખાશે.

- ખાનગી હોસ્પિટલમાં મશીનરી ખરીદવા સરકારી સહાય.

- તબીબી શિક્ષણની 3500 શીટ છે જે બે વર્ષમાં 5000 કરાશે.

- વધુ ફી વસૂલનારી ખાનગી સ્કૂલ સામે કડક પગલાં લેવાશે.

- ગૌ હત્યા કરનારને બક્ષવામાં નહી આવે.

- દારૂબંધીનો કડક અમલ કરવામાં આવશે.

- સૂચિત સોસાયટીમાં રહેતા લોકોને મકાન માલિક બનાવાશે.

 

source: divyabhaskar

જામનગર/Jamnagar,View : 549

    Comments

    • Visitor's Name
    • Email ID
    • Mobile No
    • Comment

    Though of the day

    • ચંદ્ર અને ચંદન કરતાં પણ સજ્જનોની સંગતિ વિશેષ શીતળ હોય છે.