ઓલપાડમાં બે બાઇક સામસામે ભટકાતા બે યુવાનના મોત

201723May
ઓલપાડમાં બે બાઇક સામસામે ભટકાતા બે યુવાનના મોત

ઓલપાડમાં બે બાઇક સામસામે અથડાતા બે યુવાનના મોત નીપજ્યા હતાં. હજીરાની ક્રિભકો ટાઉનશીપમાં રહેતા માતા-પુત્ર બાઇક પર કરમોલી ગામે લગ્નમાં જતા હતા.

સામેથી આવતા યુવાને બાઇક ધડાકાભેર અથડાવી દેતાં અકસ્માત થયો હતો. ક્રિભકો ટાઉનશીપમાં રહેતા અક્ષય મહેન્દ્રભાઇ પટેલ (ઉ.વ. ૧૮) હીરોહોન્ડા સ્પ્લેન્ડર બાઇક (નં. જીજે-૫-ડીએલ- ૩૧૪૪) પર માતા પુષ્પાબેન સાથે કમરોલી ગામે લગ્નમાં જવા ઘરેથી નીકળ્યા હતા.

બપોરના એકાદ વાગ્યાના સુમારે ઓલપાડ ગામે સામેથી પૂરઝડપે આવેલી સ્પ્લેન્ડર બાઇક (નં. જીજે-૫-એમજે- ૯૫૭૦)ના ચાલકે ધડાકાભેર અથડાવી દીધી હતી.

બંને બાઇક સવાર ચારેય જણા રોડ પર પટકાતા અક્ષય પટેલને માથામાં ગંભીર ઇજા થતાં સ્થળ પર મોત નીપજ્યું હતું. જ્યારે પુષ્પાબેન તથા સામેના બાઇક સવાર સંદીપ પટેલ અને પ્રકાશ રામજીભાઇ પટેલ (ઉ.વ. ૩૦, રહે. જીણોદ, તા. ઓલપાડ)ને ગંભીર ઇજા થતાં સારવાર માટે સુરત નવી સિવિલ હોસ્પિટલમાં લઇ ગયા હતાં. જ્યાં પ્રકાશ પટેલનું મોત થયું હતું. સંદીપ પટેલ અને પુષ્પાબેન સારવાર હેઠળ છે.

 

source: gujaratsamachar

અક્સમાત/Accident,સુરત/Surat,View : 449

    Comments

    • Visitor's Name
    • Email ID
    • Mobile No
    • Comment

    Though of the day

    • Life is what we make it, always has been, always will be.Grandma Moses