ઉત્તર ગુજરાતમાં અતિવૃષ્ટિ: 50 હજાર લોકોનું સ્થળાંતર, કુલ 12ના મોત

201726Jul
ઉત્તર ગુજરાતમાં અતિવૃષ્ટિ: 50 હજાર લોકોનું સ્થળાંતર, કુલ 12ના મોત

પાલનપુર/મહેસાણા અતિવૃષ્ટિથી ઘેરાયેલા ઉત્તર ગુજરાતનું વડાપ્રધાન નરેન્દ્ર મોદીએ મંગળવારે સાંજે હવાઈ નિરીક્ષણ કર્યું હતું. તેમની સાથે મુખ્યમંત્રી વિજય રૂપાણી પણ જોડાયા હતા. દિલ્હીથી અમદાવાદ આવીને વડાપ્રધાને પરિસ્થિતિને તાગ મેળવ્યો હતો અને ઉચ્ચ અધિકારીઓ સાથે બેઠક કરી હતી.

ત્યારબાદ તેઓ હેલિકોપ્ટર દ્વારા પૂરગ્રસ્ત બનાસકાંઠા અને પાટણ જિલ્લાના હવાઈ નિરીક્ષણ માટે રવાના થયા હતા. 10 હેલિકોપ્ટર બચાવ-રાહત કામગીરીમાં જોડાશે મોડી સાંજે દિલ્હી જતા અગાઉ વડાપ્રધાને પૂરગ્રસ્ત લોકો માટે વચગાળાની 500 કરોડની રાહતની જાહેરાત કરી છે. મૃતકને બે લાખ તથા ઈજાગ્રસ્તોને 50 હજાર અપાશે.

આવતીકાલથી વધુ 10 હેલિકોપ્ટર બચાવ-રાહત કામગીરીમાં જોડાશે. એનડીઆરએફની ટીમ પણ વધારાશે. દરમિયાનમાં ઉત્તર ગુજરાતમાં માં વરસાદનું જોર યથાવત રહ્યું છે.

છેલ્લા 24 કલાકમાં 2 ઇંચથી લઇને 19 ઇંચ સુધી પાણી વરસ્યું છે. જેમાં સૌથી વધુ વરસાદ બનાસકાંઠામાં પડ્યો છે. બનાસકાંઠામાં 1300 લોકોને બચાવાયા પૂરની આ પરિસ્થિતિમાં ઉ.ગુ.માં અત્યાર સુધીમાં 12 વ્યક્તિઓના મોત થયાનું બહાર આવ્યું છે, જ્યારે હજારો પશુઓના મોત થયાનો અંદાજ છે.

જ્યારે પૂરગ્રસ્તોની મદદે આવેલા એરફોર્સ, એનડીઆરએફ સહિતની ટીમો દ્વારા બનાસકાંઠામાં 1300 લોકોને બચાવાયા છે. તો 46 હજાર લોકોનું સ્થળાંતર કરાયું છે. પાટણમાં 300, સાબરકાંઠામાં 428 તેમજ અરવલ્લી જિલ્લામાં 2 હજાર લોકોને સલામત સ્થળે ખસેડાયા છે.

 

source: divyabhaskar

ગુજરાત/Gujarat,મહેસાણા/Mehsana,View : 181

    Comments

    • Visitor's Name
    • Email ID
    • Mobile No
    • Comment

    Though of the day

    • કોઈ તમારા પર આંધળો વિશ્વાસ રાખે , ત્યારે સાબિત નાં કરતા કે તે ખરેખર અંધ છે.