પ્રિયતમા !

 પ્રિયતમા ! તને હું કહું છું
પ્રેમ શું છે
માનવીય વિચારોથી
એક મંદિર સર્જાય છે
જ્યાં સુંદર પારેવાની જેમ
આશા બેઠી હોય છે
સમય જુવાન લાગે છે
જીવન રમ્ય ભવ્ય
અને દિવ્ય લાગે છે
બધા જ રસો
બધા જ આનંદો
તમામ ઇચ્છાઓ
આશીર્વાદનું તીર્થધામ થાય છે.
વાદળ વિનાના આકાશમાં
સૌંદર્યમય તારાઓ ચમકે છે
આસપાસ ફૂલોનું ચુંબન આપતાં ઝરણાંઓ
અને પૃથ્વી પર જો ક્યાંક પણ
સ્વર્ગ હોય તો તે અહીંયાં છે.
હા, આ પ્રેમ છે.
સ્થિર અવિચળ અને સાચો
કદીયે ન આથમે એવી
આ અમર આભા છે
હૃદયને મળેલું શ્રેષ્ઠ ઊજળું વરદાન છે.
જીવન મધુર
મધુરતમ મધુરતમ છે
આ સાંજ ભૂલી ભુલાય એવી નથી
સ્મૃતિની કાયમની સોગાત છે
ફૂલો ચાંદની અને ઝાકળથી ભીનાં છે
પહાડના લલાટ પર
પવન હળુ હળુ
સુંવાળું શ્વસે છે.
આ બધું જ હતું આનંદનો ઉત્સવ
તો હવે સ્મૃતિની કાયમની સોગાત
– ચાર્લ્સ સ્વેઈન

View : 979

Comments

  • Visitor's Name
  • Email ID
  • Mobile No
  • Comment

Though of the day

  • If you can dream it, you can achieve itZig Ziglar